O 2 de maio de 2018 celebrarase no Auditorio de Galicia, en Santiago de Compostela, o encontro Regueifesta de improvisación oral en verso para centros de ensino galegos. Trátase dunha actividade didáctica impulsada polos proxectos Enreguéifate e Regueifesta que procura a participación da comunidade escolar na difusión da regueifa e da improvisación oral en verso.
No encontro intervirán rapazas e rapaces da nova xeración galega do repentismo, así como alumnado de Euskadi e de Catalunya, que improvisarán ao xeito do bertsolarismo e da glosa. Dinamizarán o acto os/as regueifeiro/as Alba María, Josinho da Teixeira, Séchu Sende e Manolo Maseda; e inclúense tamén diversas intervencións musicais. Ademais, farase entrega dos premios da II edición do Certame Enreguéifate.
A Regueifesta será ás 11h.

O 2 de maio de 2018 celebrarase no Auditorio de Galicia, en Santiago de Compostela, o encontro Regueifesta de improvisación oral en verso para centros de ensino galegos. Trátase dunha actividade didáctica impulsada polos proxectos Enreguéifate e Regueifesta que procura a participación da comunidade escolar na difusión da regueifa e da improvisación oral en verso.
No encontro intervirán rapazas e rapaces da nova xeración galega do repentismo, así como alumnado de Euskadi e de Catalunya, que improvisarán ao xeito do bertsolarismo e da glosa. Dinamizarán o acto os/as regueifeiro/as Alba María, Josinho da Teixeira, Lupe Blanco, Séchu Sende e Manolo Maseda; e inclúense tamén diversas intervencións musicais. Ademais, farase entrega dos premios da II edición do Certame Enreguéifate.
Procurando acoller o máximo número de centros educativos, a Regueifesta será ás 11h.